ប្រទេសថៃអនុម័តប្រាក់កម្ចីចំនួន ១២,២ ពាន់លានដុល្លារអាមេរិក ព្រោះវិបត្តិមជ្ឈិមបូព៌ា

បាងកក៖ ប្រទេសថៃបានអនុម័តកញ្ចប់ប្រាក់កម្ចីសង្គ្រោះបន្ទាន់ចំនួន ១២,២ ពាន់លានដុល្លារអាមេរិកនៅ ថ្ងៃអង្គារ ទី៥ ខែឧសភា ដើម្បីទប់ស្កាត់ផលប៉ះពាល់សេដ្ឋកិច្ចនៃសង្គ្រាមមជ្ឈិមបូព៌ា ដែលជាផែនការ ខ្ចីប្រាក់ដ៏ធំបំផុតមួយរបស់ប្រទេសក្នុងរយៈពេលជាច្រើនទសវត្សរ៍។

គណៈរដ្ឋមន្ត្រីបាននិយាយថា មូលនិធិនេះនឹងត្រូវបានប្រើប្រាស់ដើម្បីជំរុញការចំណាយក្នុងស្រុក និង បន្ធូរបន្ថយការលំបាកផ្នែកសេដ្ឋកិច្ច ខណៈដែលអតិផរណាកើនឡើង និងកំណើនយឺតដោយក្រសួងហិរញ្ញវត្ថុកាលពីសប្តាហ៍ មុនបានកាត់បន្ថយការព្យាករណ៍កំណើន GDP របស់ខ្លួនមកត្រឹម ១.៦ ភាគរយ ពី ២.៤ ភាគរយកាលពីឆ្នាំមុន។

ប្រាក់កម្ចីប្រមាណ ៤០០ ពាន់លានបាតនឹងត្រូវដាក់ពង្រាយចាប់ពីខែមិថុនាដល់ខែកញ្ញា ហើយរួមបញ្ចូល ទាំងជំនួយសម្រាប់ប្រជាជនដែលមានប្រាក់ចំណូលទាបជាង ២០ លាននាក់ក្រោមគម្រោង “ថៃជួយថៃ” របស់រដ្ឋាភិបាល ដើម្បីកាត់បន្ថយការចំណាយលើការរស់នៅ។

លោកនាយករដ្ឋមន្ត្រី អនុទីន ឆានវីរៈគុល បានហៅប្រាក់កម្ចីនេះថា «ជាឧបករណ៍មួយដើម្បីជំរុញប្រទេសជាតិ ទៅមុខ និងទប់ស្កាត់ការធ្លាក់ចុះនៃសេដ្ឋកិច្ច»។

ប្រភព: CNA news