លោក Erdogan ប្រធានាធិបតីតួរគី ជូនកាដូកាំភ្លើងខ្លីដល់មេដឹកនាំណាតូ

ម៉ាឌ្រីដ៖ នាយករដ្ឋមន្ត្រីបែលហ្ស៊ិក មានការភ្ញាក់ផ្អើលបន្តិច នៅពេលត្រឡប់មកពី កិច្ចប្រជុំកំពូលណាតូ កាលពីថ្ងៃពុធទី៨ ខែកក្កដា នៅប្រទេសទួរគី ដោយបានឃើញថាកាំភ្លើងខ្លី និង គ្រាប់នៅក្នុងវ៉ាលី។

បន្ទាប់ពីមេដឹកនាំណាតូបានជួបប្រជុំកំពូលដ៏ចម្រូងចម្រាសនៅថ្ងៃពុធនៅទីក្រុងអង់ការ៉ា ម្ចាស់ផ្ទះគឺប្រធានាធិបតីតួកគី លោក Recep Tayyip Erdogan បានប្រគល់អំណោយមិនធម្មតាមួយដល់មេដឹកនាំគ្រប់គ្នានោះគឺកាំភ្លើងខ្លីមួយដើម រួមជាមួយគ្រាប់ពិតដែលបង្ហាញថាវាមិនមែនគ្រាន់តែសម្រាប់បង្ហាញនោះទេ។

លោក Erdogan ចង់បង្ហាញពីឧស្សាហកម្មការពារជាតិរបស់ប្រទេសទួរគី ដែលបានក្លាយជាឧបករណ៍នាំចេញ និងគោលនយោបាយការបរទេសដ៏សំខាន់មួយ។

រូបភាពដែលបានចែករំលែកដោយការិយាល័យរបស់ប្រធានាធិបតីប្រទេស Lithuanian លោក Gitanas Nauseda បានបង្ហាញវត្ថុមួយដែលហាក់ដូចជា កាំភ្លើង Gumusay .357 Magnum ដែលជាកាំភ្លើងបាញ់ប្រាំមួយគ្រាប់ដ៏កម្រមួយដែលផលិតដោយក្រុមហ៊ុនផលិតអាវុធរបស់ប្រទេសទួរគី MKE ក្នុងទសវត្សរ៍ឆ្នាំ 1990។

កាំភ្លើងខ្លីត្រូវបានដាក់ក្នុងប្រអប់ឈើមួយដែលមានទង់ជាតិតួកគី និងឡូហ្គោណាតូ ក៏ដូចជាបដាមួយ ដែលមានចារឹកថា “Gumusay ជាកាំភ្លើងខ្លីប្រភេទកាំភ្លើងខ្លីដំបូងគេដែលផលិតនៅក្នុងប្រទេសរបស់យើង” ជាភាសាទួរគី និងអង់គ្លេស។

ប្រភព: Reuters