លោក Anwar និយាយថា ការលុបចោលកិច្ចព្រមព្រៀងមីស៊ីលរបស់ន័រវេសឆ្លុះបញ្ចាំងពីភាពលាក់ពុតរបស់លោកខាងលិចកាន់តែច្បាស់

កូឡាឡាំពួរ៖ នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បាននិយាយថា ការសម្រេចចិត្តឯកតោភាគីរបស់ប្រទេសន័រវេស ក្នុងការលុបចោលកិច្ចព្រមព្រៀងមីស៊ីលជាមួយម៉ាឡេស៊ី បង្ហាញពី «និន្នាការគ្រោះថ្នាក់នៃស្តង់ដារពីរ» សម្រាប់នីតិរដ្ឋ និងការធ្លាក់ចុះគួរឱ្យព្រួយបារម្ភនៃការគោរពចំពោះបទដ្ឋានអន្តរជាតិ។

ថ្លែងនៅក្នុងកិច្ចប្រជុំតុមូលអាស៊ី-ប៉ាស៊ីហ្វិកលើកទី 39 ដែលពិភាក្សាអំពីបញ្ហាសំខាន់ ៗដែលប៉ះពាល់ដល់តំបន់អាស៊ី-ប៉ាស៊ីហ្វិក នៅទីក្រុងកូឡាឡាំពួរ កាលពីថ្ងៃព្រហស្បតិ៍ ទី2 ខែកក្កដា លោក អាន់វ៉ា ក៏បានរិះគន់ «ភាពលាក់ពុតរបស់អ្នកដែលធ្វើមិនដឹងមិនឮ ចំពោះការរំលោភបំពានបែបនេះ»។

កាលពីខែឧសភា ក្រសួងការបរទេសន័រវេសបាននិយាយថា «អាជ្ញាប័ណ្ណមួយចំនួនទាក់ទងនឹងការនាំចេញបច្ចេកវិទ្យាការពារជាតិ ទៅកាន់ប្រទេសម៉ាឡេស៊ីត្រូវបានលុបចោល»។

លោក អាន់វ៉ា ក៏បានកត់សម្គាល់ផងដែរថា ខណៈពេលដែលរដ្ឋាភិបាលម៉ាឡេស៊ីដំបូងឡើយសង្ស័យថាសហរដ្ឋអាមេរិក បានដាក់សម្ពាធលើប្រទេសន័រវេសឱ្យលុបចោលកិច្ចព្រមព្រៀងមីស៊ីល តែលោកបាននិយាយថា វាមិនពាក់ព័ន្ធនោះទេ។

លោក អាន់វ៉ា ក៏បានចង្អុលបង្ហាញថា សហរដ្ឋអាមេរិកនៅតែបន្តផ្គត់ផ្គង់អាវុធដល់ប្រទេសម៉ាឡេស៊ី។

ប្រភព: CNA news