មេដឹកនាំកូរ៉េខាងជើង និងចិនប្ដេជ្ញាពង្រឹងទំនាក់ទំនងប្រទេសទាំងពីរ

សេអ៊ូល៖ មេដឹកនាំកូរ៉េខាងជើង លោក គីម ជុងអ៊ុន និងប្រធានាធិបតីចិន លោក ស៊ី ជីនពីង មានកិច្ចប្រជុំកំពូលមួយកាលពីថ្ងៃចន្ទ ទី៨ ខែមិថុនា នៅទីក្រុងព្យុងយ៉ាង ហើយបានព្រមព្រៀងគ្នាពង្រីកកិច្ច សហប្រតិបត្តិការរវាងប្រទេសទាំងពីរក្នុងវិស័យនយោបាយ សេដ្ឋកិច្ច និងវប្បធម៌ នេះបើយោងតាមការចុះផ្សាយរបស់ ប្រព័ន្ធផ្សព្វផ្សាយរដ្ឋកូរ៉េខាងជើង KCNA នៅថ្ងៃអង្គារ។

KCNA បាននិយាយថា មេដឹកនាំទាំងពីរបានព្រមព្រៀងគ្នាអភិវឌ្ឍទំនាក់ទំនងទ្វេភាគីឱ្យកាន់តែខ្លាំងថែមទៀត។ដោយលោក គីម បានប្រាប់លោក ស៊ី ថាលោកនឹងគាំទ្រយ៉ាងពេញទំហឹងចំពោះ «គោលការណ៍ចិន តែមួយ» ដែលទីក្រុងប៉េកាំងយល់ថាច្រកសមុទ្រតៃវ៉ាន់ជាកម្មសិទ្ធិរបស់ប្រទេសតែមួយ ដោយមិនគិតពីស្ថានភាពអន្តរជាតិផ្លាស់ប្តូរយ៉ាងណានោះទេ។

KCNA បានរាយការណ៍ថា មេដឹកនាំក៏បានព្រមព្រៀងគ្នាធ្វើឱ្យការទំនាក់ទំនងជាយុទ្ធសាស្ត្រកាន់តែស៊ីជម្រៅ តាមរយៈដំណើរទស្សនកិច្ចរបស់មន្ត្រីជាន់ខ្ពស់ផងដែរ។

ប្រភព: CNA news