ចក្រភពអង់គ្លេសនឹងបញ្ជូនដ្រូន យន្តហោះចម្បាំង និងនាវាចម្បាំង ចូលរួមការពារសន្តិសុខច្រកសមុទ្រ Hormuz

ឡុងដ៍៖ ទីភ្នាក់ងារសារព័ត៌មានរ៉យទ័រ (Reuters) បានចុះផ្សាយនៅថ្ងៃទី១២ ខែឧសភា ឆ្នាំ២០២០ថា ចក្រភពអង់គ្លេស បាននិយាយកាលពីថ្ងៃអង្គារថា ខ្លួននឹងរួមចំណែកឧបករណ៍ប្រមាញ់មីនស្វ័យប្រវត្តិ យន្តហោះចម្បាំង Typhoon និង នាវាចម្បាំង HMS Dragon ទៅក្នុងបេសកកម្មការពាររួមគ្នា ដែលមានគោលបំណងធានាសុវត្ថិភាពការដឹកជញ្ជូន ទំនិញនៅក្នុងច្រកសមុទ្រ Hormuz។

រដ្ឋមន្ត្រីក្រសួងការពារជាតិ លោក John Healey បានប្រកាសពីការប្តេជ្ញាចិត្តនេះ ក្នុងអំឡុងពេលកិច្ចប្រជុំកំពូលតាមអ៊ីនធឺណិតជាមួយសមភាគីជាង ៤០ រូបមកពីប្រទេសនានាដែលពាក់ព័ន្ធ នឹងបេសកកម្មនេះ។លោកបាននិយាយថា ការងារនេះនឹងចាប់ផ្តើមដំណើរការនៅពេលដែលលក្ខខណ្ឌអនុញ្ញាត។

លោកបានមានប្រសាសន៍នៅក្នុងសេចក្តីថ្លែងការណ៍មួយថា «ជាមួយសម្ព័ន្ធមិត្តរបស់យើង បេសករួមគ្នានេះនឹង មានលក្ខណៈការពារ ឯករាជ្យ និងអាចទុកចិត្តបាន»។

បញ្ជាក់ដែរថា សង្គ្រាមអ៊ីរ៉ង់បានកាត់បន្ថយចរាចរណ៍ឆ្លងកាត់ច្រកសមុទ្រហ័រមូសយ៉ាងខ្លាំង ដោយរំខានដល់ការនាំចេញប្រេង និងធ្វើឱ្យតម្លៃថាមពលកើនឡើង។ ប្រហែល១ភាគ៥នៃប្រេងរបស់ពិភពលោកឆ្លងកាត់ច្រកសមុទ្រនេះ។

ប្រភព: Reuters