លោក Trump និយាយថា លោក Xi នឹងមកទស្សនកិច្ចសហរដ្ឋអាមេរិក «នៅចុងឆ្នាំនេះ»

វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បាននិយាយថា លោកនឹងទទួលស្វាគមន៍មេដឹកនាំចិន លោក ស៊ី ជីនពីង នៅឯសេតវិមាននៅចុងឆ្នាំនេះ ខណៈដែលប្រទេសមានសេដ្ឋកិច្ចកំពូលទាំងពីររបស់ពិភពលោក កំពុងស្វែងរកទំនាក់ទំនងឡើងវិញ ដែលត្រូវបានធ្លាក់ចុះដោយសង្គ្រាមពាណិជ្ជកម្មដ៏ក្តៅ។

លោក Trump បានធ្វើអត្ថាធិប្បាយបែបនេះនៅក្នុងបទសម្ភាសន៍មួយជាមួយ NBC News នៅថ្ងៃពុធ ទី៤ ខែកុម្ភៈ ហើយនៅថ្ងៃដដែលនេះលោក Trump និងលោក Xi បានសន្ទនាអំពីពាណិជ្ជកម្ម តៃវ៉ាន់ សង្គ្រាមរបស់រុស្ស៊ីនៅអ៊ុយក្រែន និងស្ថានភាពនៅអ៊ីរ៉ង់។

លោក Trump ត្រូវបានគេរំពឹងថានឹងទៅប្រទេសចិននៅក្នុងខែមេសា មុនពេលលោក Xi នឹងធ្វើទស្សនកិច្ចសហរដ្ឋអាមេរិក។

ចាប់តាំងពីលោក Trump បានវិលត្រឡប់មកសេតវិមានវិញកាលពីមួយឆ្នាំមុន លោកបានដាក់ពន្ធយ៉ាងធ្ងន់លើចិន ដូចជាពន្ធលើដែកថែប រថយន្ត និងទំនិញផ្សេងៗទៀត ក៏ដូចជាវិធានការទូលំទូលាយជាងមុន ដើម្បីសម្រេចបាននូវគោលបំណងគោលនយោបាយជាច្រើនប្រភេទ។

ប្រភព: CNA news