តម្លៃប្រេងធ្លាក់ចុះ បន្ទាប់ពីលោក Trump ព្រមានអ៊ីរ៉ង់អំពីច្រកសមុទ្រ Hormuz

តម្លៃប្រេងបានធ្លាក់ចុះនៅថ្ងៃអង្គារទី១០ មីនា បន្ទាប់ពីប្រធានាធិបតីអាមេរិក ដូណាល់ ត្រាំ បានព្រមានអ៊ីរ៉ង់កុំឱ្យបិទផ្លូវដឹកជញ្ជូនដ៏សំខាន់មួយចំពោះការផ្គត់ផ្គង់ថាមពលពិភពលោក។

លោកបាននិយាយនៅលើបណ្ដាញសង្គមថា «ប្រសិនបើអ៊ីរ៉ង់ធ្វើអ្វីដែលបញ្ឈប់លំហូរប្រេងនៅក្នុងច្រកសមុទ្រ Hormuz សហរដ្ឋអាមេរិកនឹងវាយប្រហារខ្លាំងជាងការវាយប្រហារនេះដល់ទៅ២០ដង»។

តម្លៃប្រេងបានឡើងដល់ជិត ១២០ ដុល្លារក្នុងមួយបារ៉ែលកាលពីថ្ងៃចន្ទ ដោយសារការភ័យខ្លាចថាសង្គ្រាមរវាងសហរដ្ឋអាមេរិក និងអ៊ីស្រាអែលជាមួយអ៊ីរ៉ង់នឹងបង្កឱ្យមានការរំខានដល់ការផ្គត់ផ្គង់ពីមជ្ឈិមបូព៌ារយៈពេលយូរ ប៉ុន្តែបានធ្លាក់ចុះវិញបន្ទាប់ពីលោក Trump ថាសង្គ្រាមអាចនឹងបញ្ចប់ក្នុងពេលឆាប់ៗនេះ។

លោកបានមានប្រសាសន៍ថា ការជួញដូរប្រេងនឹង «នៅតែមានការប្រែប្រួលយ៉ាងខ្លាំង» ហើយតម្លៃទំនងជានឹងកើនឡើងប្រសិនបើជម្លោះកាន់តែធ្ងន់ធ្ងរឡើង ហើយធ្លាក់ចុះប្រសិនបើសង្គ្រាមធូរស្រាល។

ប្រភព: BBC news