កូរ៉េខាងជើងព្រមានកូរ៉េខាងត្បូងបញ្ជូនដ្រូនចូលដែនដីរបស់ខ្លួន

សេអ៊ូល៖ កូរ៉េខាងជើងនៅថ្ងៃសុក្រ ទី១៣ ខែកុម្ភៈ បានព្រមានថានឹង «ឆ្លើយតបយ៉ាងខ្លាំងក្លា» ប្រសិនបើខ្លួនរកឃើញយន្តហោះគ្មានមនុស្សបើកណាមួយហោះហើរឆ្លងកាត់ព្រំដែនពីកូរ៉េខាងត្បូង។

ប្រធានាធិបតីកូរ៉េខាងត្បូង លោក លី ជេម្យុង បានព្យាយាមជួសជុលទំនាក់ទំនងជាមួយកូរ៉េខាងជើងចាប់តាំងពីឡើងកាន់តំណែងកាលពីឆ្នាំមុន ដោយរិះគន់អ្នកកាន់តំណែងមុនរបស់លោក ចំពោះការដែលត្រូវបានចោទប្រកាន់ថាបានបញ្ជូនយន្តហោះគ្មានមនុស្សបើកដើម្បីផ្សព្វផ្សាយការឃោសនាលើទីក្រុងព្យុងយ៉ាង។

ប៉ុន្តែកូរ៉េខាងជើងអះអាងថា ខ្លួនបានបាញ់ទម្លាក់យន្តហោះគ្មានមនុស្សបើកស៊ើបការណ៍១គ្រឿងកាលពីខែមុន ដែលជាឧប្បត្តិហេតុមួយដែលគំរាមកំហែងដល់កិច្ចខិតខំប្រឹងប្រែងរបស់លោក Lee ក្នុងការដោះស្រាយបញ្ហា។

លោកស្រី Kim Yo Jong ដែលជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង លោក Kim Jong Un បានព្រមានអំពីផលវិបាកធ្ងន់ធ្ងរ ប្រសិនបើយន្តហោះគ្មានមនុស្សបើកនៅតែហោះចូលទៀត។

ដំបូងឡើយ ទីក្រុងសេអ៊ូលបានបដិសេធថាមិនមានដ្រូនណាមួយបានហោះចូលកាលពីខែមករានោះទេ ដោយមន្ត្រីនានាបានលើកឡើងថា វាជាការងាររបស់ជនស៊ីវិលប៉ុណ្ណោះ។

ប្រភព: CNA news